A Rritet Koral në Ujë të Ëmbël?

Një pretendim tjetër kontradikte i përket gjendjes ku në Ajetin 19 të sures Ar-Rrahman tregohen vetitë e dy deteve të ndryshme.

Fjala ( UJËRAT E HIDHURA DHE TË ËMBLA ), që kurrë nuk ekziston në origjinalin e këtij ajeti, në shumë punime përkthimi, para së gjithash në përkthimin e Dijanetit, është dhënë në kllapa, kështu meqë njëri nga këto dy dete ka ujë të ëmbël, si është e mundur që, siç tregohet në ajetin pasues, thuhet se në këtë ujë rriten margaritarë dhe koral. Është një e vërtetë shkencore që, edhe pse margaritarët rriten artificialisht, në ujë të ëmbël kurrë nuk rritet koral, do të thotë ZOTI NA RUAJT është shkaktuar që të mendohet se në Kuran ka një kontradiktë midis dy ajeteve dhe një kontradiktë shkencore.

Ndërsa, ky informacion në kllapa që nuk ekziston në origjinalin e ajetit, ngatërrohet me gjendjen që tregon një ngjarje tjetër në ajetin 53 të sures Al-Furkan të Kuranit…

Edhe pse gabime të tilla përkthimi në vitet e fundit po tentohet të korrigjohen me shpejtësi, ato ndeshen shpesh sidomos në përkthimet e Dijanetit.
Le ta shohim këtë gabim shumë të qartë përkthimi duke shqyrtuar origjinalin e ajetit….

Surja Ar-Rrahman 19

Merecel bahreyni yeltekıyân(yeltekıyâni).

1. merece : bëri të rrjedhë
2. el bahreyni : dy dete
3. yeltekıyâni : të dy do të takohen, do të bashkohen me njëri-tjetrin

Le t’i shohim ajetet përkatëse të sures Ar-Rrahman nga përkthimi i Dijanetit:
19. (Dy dete me ujëra të hidhura dhe të ëmbla) i ka lëshuar; ato bashkohen me njëri-tjetrin.
20. (Por) midis tyre ka një pengesë, nuk kalojnë te njëri-tjetri e nuk përzihen.
21. Atëherë, cilat mirësi të Zotit tuaj po i përgënjeshtroni?
22. Nga të dy ato dete dalin margaritarë dhe koral.
23. Atëherë, cilat mirësi të Zotit tuaj po i përgënjeshtroni?
Ndërsa përkthimi i saktë, kuptimi i të cilit nuk është prishur me kllapa, është;
19. Ka lëshuar dy dete; ato bashkohen me njëri-tjetrin.
20. Midis tyre ka një pengesë; nuk e kapërcejnë kufirin e njëri-tjetrit e nuk përzihen.
21. Cilat mirësi të Zotit tuaj mund t’i përgënjeshtroni?
22. Nga të dy dalin margaritarë dhe koral.
23. Cilat mirësi të Zotit tuaj mund t’i përgënjeshtroni?

Në këtë ajet, që tregon njohurinë shkencore të viteve të fundit mbi tensionin sipërfaqësor në lëngje, si mospërzierja e dy deteve, kurrë nuk ka kontradiktë. Madje, kur mendohet e vërteta se në atë kohë një njohuri e tillë nuk mund të arrihej, ky ajet është një mrekulli e plotë e Kuranit…..
Ndërsa ajeti 53 i sures Al-Furkan, që ngatërrohet, tregon një gjendje tjetër. Dhe në ajet nuk ka asnjë informacion që lidhet me rritjen e margaritarit e koralit në ujë të ëmbël. As nuk mund të mendohet të ketë.Sepse në Kuran, fjalën e Allahut, nuk ka kontradiktë…..
Ajeti 53 i sures Al-Furkan
Ai, i ka lëshuar dy dete; ky i freskët dhe i ëmbël, ai i kripur dhe i hidhur. Midis të dyve ka vënë një pengesë të fortë që pengon përzierjen e tyre.