Anijet që lëvizin me erë

Në ajetet e Kuranit jepen shembuj për tema të ndryshme. Një prej tyre është edhe lëvizja e anijeve mbi det nën ndikimin e erërave. Në ajetin e sures Shura, Zoti ynë urdhëron kështu.

Ky ajet përdoret nga qarqet që i bëjnë kritika Kuranit. Sipas këtij pretendimi, “sot, me mundësitë që jep teknologjia, anijet nuk lëvizin më me erë, por me fuqi motori. Prandaj ky shembull nuk është i vlefshëm. Meqë kjo situatë lidhur me të ardhmen nuk është parashikuar, është dhënë një shembull i gabuar.”

Para së gjithash, dua të them se ky pretendim është shumë i sforcuar. Kuptohet se anija e përmendur në këtë ajet janë anijet që njerëzit e asaj kohe shihnin dhe që lëviznin me erë. Përveç kësaj, kur shqyrtohet fjala “anije” që gjendet në ajet, çështja do të kuptohet më mirë. Në arabisht, në kuptimin e përgjithshëm, përgjegjësja e fjalës “anije” është “el- sefinu”. Por në këtë ajet është përdorur fjala “el-cevari”. Kur përkthehet, edhe kjo fjalë përkthehet si anije në përkthimet e kuptimit. Kjo fjalë rrjedh nga folja “Cerea”, me kuptimin të rrjedhë, të derdhet. “ceryanda (në erë)kalmak që përdorej në turqishten e vjetër vjen gjithashtu nga kjo rrënjë. Nëse përdoret me Harfi cer, edhe fjala “cereyne” ka kuptimin “anijet që një erë e këndshme i merr e i çon.”. Përsëri, fjala “cariyetün”, që rrjedh nga e njëjta rrënjë, përdoret me kuptimet anije, re, erë. (Burimi: Kuran’ı Kerim Lügatı, Timaş Yayınları, f.:121)

Prandaj, ta përkthesh këtë fjalë vetëm si anije nuk e jep përgjegjësen e saj të plotë. Për të dhënë një shembull nga turqishtja, fjala “yelkenli” është një lloj anijeje. Por brenda kësaj fjale tregohet edhe se si lëviz ajo anije. Kur thuhet yelkenli, shprehet se këto lloj anijesh lëvizin me erë. Në mënyrë të ngjashme, brenda fjalës “el-cevari”, të përkthyer si anije në ajetin e mësipërm, tashmë është shprehja se lëviz me erë. Ky kuptim gjendet në rrënjën e fjalës. Si përfundim, ajo që shprehet në ajet janë anijet që njerëzit e asaj kohe shihnin, që lëviznin me erë. Tashmë edhe vetë fjala e përdorur në atë ajet dhe e përkthyer si anije do të thotë anije që lëviz me erë. Është e qartë se kritikat e bëra për këtë çështje janë të gabuara. Shkaku i shprehjes së kësaj kritike është mungesa e dijes në arabisht dhe paragjykimi. Nëse ajeti shihet pa paragjykim, kuptimi i synuar kuptohet lehtë. Përveç kësaj, po të shqyrtohej shkurt rrënja e fjalës që gjendet në ajet, çështja, siç shihet, mund të zgjidhet lehtë.

Mesazhi që dëshirohet të jepet në ajet tashmë është i qartë. Nëse në këtë jetën tonë mund të bëjmë diçka, ose nëse diçka ndodh, për këtë ka një shkak. Nëse ajo që e siguron këtë hiqet, ajo punë-ndodhi gjithashtu mbetet e palëvizur.

Sot anijet le të lëvizin edhe me energji diellore. Përsëri nuk ndryshon asgjë. Këtë herë, nëse ndalet drita e diellit, nëse nuk arrin në botën tonë drita e ditës, anija jonë mbetet e palëvizur.

Ose nëse anija lëviz me rrema, këtë herë, nëse zhduken ligjet e fizikës që sigurojnë lëvizjen në këtë mënyrë, anija mbetet pa lëvizje.

Sigurisht, ajo që tregohet këtu vlen edhe për çdo fushë të jetës. Nëse ndalet një organ jetik i yni, edhe jeta jonë nuk mund të vazhdojë. Nëse zhduken ligjet e fizikës që bëjnë që një aeroplan ose një zog të qëndrojë në ajër, ata nuk mund të fluturojnë.

Shkurt, “anija me vela” këtu tregon edhe “anijen me vela”, edhe “të gjitha mjetet e tjera teknologjike”, edhe në jetën tonë “të gjitha punët që i realizojmë ose që realizohen”.

Duke dhënë një pjesë të vogël të së tërës, ajo e tërë sillet para syve.

Gjithçka që kujtojmë se e bëjmë vetë ose që ndodh vetvetiu, në të vërtetë mund të realizohet me rendin që ka krijuar Allahu dhe/ose me gjërat e tjera që Ai ka krijuar. Ose, me fjalë të tjera, këto i realizon Zoti ynë.