Quran yalnız haramları və halalları əhatə edən kitab deyil. İçində gözəl əxlaqı, müxtəlif insan xarakterlərini, meydana gələ biləcək bütün hadisə və vəziyyətləri, dünya həyatı və axirət həyatı ilə əlaqədar məlumatları, Allah qorxusu və sevgisini, Allah rizasının necə qazanılacağını, qısacası Yaradan Rəbbimizin yaratdığına göndərdiyi, lazım olan bütün məlumatı izah edən və qiyamətə qədər etibarlı kitabdır.
Quranı tanımayanlar və ön mühakiməylə baxanlar onun yalnız keçmiş dövrlər üçün etibarlı olduğunu və praktikada heç bir etibarlılığı olmadığını zənn edərlər. Halbuki Quran bəzilərinin sandığı kimi yalnız 1400 il əvvəlki hadisələrdən bəhs edən kitab deyil, hər dövrdə qarşılaşılan hadisələri və bunun yanında dünya həyatını sona çatdıran qiyamət gününü, axirəti öyrədən bir bələdçidir.
Quranın, insanın həyatındakı əhəmiyyətini və lazımlı olmasının fərqinə varan müsəlmanın Allaha gərəyi kimi qulluq etməsi və bütün həyatını Qurana görə yaşaması üçün, çox yaxşı Quran biliyinə sahib olması lazımdır. Bu rəhbər, Allahı tanımanı, qulluq vəzifəsini əskiksiz yerinə yetirməyi, bütün həyatını Qurana görə tənzimləməni, Allahın razılığını, rəhmətini və cənnətini qazanmağı məqsəd edənləri, Quran məlumatlarını gücləndirmək məqsədiylə hazırlanmışdır.
