Куранда режм (таш ыргытып өлтүрүү) жок

Исламга ылайык бир маселенин түпкү чындыгын билгибиз келсе, Куранга кайрылышыбыз керек. Исламга ылайык Аллах Куранды гана сактай турганын жана ошол эле учурда адамдардан каалаган нерсенин баарын Куранда билдиргенин кабарлаган;

Демек, Курандан тышкаркы өкүм жараксыз. Атүгүл Куранда өкүмү ачык көрсөтүлгөн маселеде Курандан тышкаркы булакка кайрылып өкүм чыгаруу таптакыр Исламдан тышкары мамиле болот. Куранга ылайык зынанын өкүмү 100 таяк.

Ошондуктан кимдир бирөөнүн туруп алып зына боюнча өкүм ойлоп чыгарышы Куранга каршы согуш ачканы болот. Режм – мушриктердин салты. Мушриктер Исламга чейин да кыз балдарын тирүүлөй көмгөн, өздөрүн өтө такыба деп жарыялап динди пайдаланган, аялдарды жек көргөн адамдардын коому. Ислам келгенден кийин алардын салттарынын көбү Пайгамбар тарабынан жоюлгандыктан, мындан ыңгайсызданган мушриктер Куранды өзгөртө албагандыктан пайгамбарыбыз режм колдонгон деген ойдон чыгарылган риваяттарды түзүшкөн, атүгүл Куран өзгөртүлбөй турганын айткан так аяттар болгонуна карабастан, чындыгында режм тууралуу аяттарды эчки жеп койгон деп айтканга чейин барышкан. Кереметтүү көрүнүштөрдү, павлиндерди, мышыктын сүйкүмдүүлүгүн жараткан Аллах режм сыяктуу психопаттыкты буйрубасы анык.

Кимдир бирөө туруп алып “Коммунизмге ылайык каршы пикирдеги адамдар жок кылынат” десе, коммунисттер “Das Kapital’да мындай нерсе жазылган эмес” дешет. Жооп катары мусулман “Бирок Сталин каршы пикирдеги адамдарды өлтүргөн да” десе, коммунисттер “Ал Сталиндин өз жоруму, Das Kapital’га тиешеси жок” дээрине ишенем. Ушул эле нерсе режмге да тиешелүү. Режм Куранда жок жана аны колдонгон бирөө бар болсо, бул анын өз психопаттыгы. Исламга тиешеси жок. Мындан тышкары режм, ойлогонго карама-каршы, Ислам өлкөлөрүндө эмес, бири-биринен такыр башка дин жана маданияттарда колдонулат. Бул да анын Исламга тиешеси жок экенин, мушриктикке, башкача айтканда, кежир жана караңгы фанатик системага тиешеси бар экенин далилдейт. Кыскасы, режм – мушриктердин салты жана анын Исламга эч кандай тиешеси жок.

Тексти Куранда жок, бирок Өкүмү түбөлүктүү аят деп сыпатталган РЕЖМ аяттары. Аллахка жана Анын Элчисине жабылган өтө чоң жалаа. Аллахтын өкүмдөрү Куранда. Куранда жок өкүм Исламдык эмес. Муну ойлоп тапкандарга Улуу Аллах акыретте кыйноочу жаза берет.